الليل يطول والقلب داب
والبدر دارى بسمته بين السحاب
واجري ما بين خوفي وعذابي
وانده على حلمي اللي شاب
واسأل حياتي اللي بدت
شمعه انتهى نورها الجميل
واسأل عيون القلب ليه
نوهب حياتنا لمستحيل
آه من أمل زي السراب
خدنا على جناحه العليل
واللي اكتحل بالدمع ليه
يبكي على ليله الطويل
يا ريت يا روح لو ينتهي
عمري ما احس بإنكسار
راح يكتمل لحن الأمل
وياكي لو عدى النهار
– مصر
m_mohamed_genegy@yahoo.com
0 comments:
إرسال تعليق