لحّام كنت.. عرفتك بلبنان
حاوي قِيَم..حامل قلب انسان
خصال المنيحَه فيك؟ بالجملِه
وكتار.. ما سألو عَنا من زْمان
الاخلاق عندك والصدق عمْلِه
ترسْمَلت فيها.. بْجانب الايمان
وعشت عمرَك ما جْرَحت نمله
وتعطي الفَقير.. وما مَعَك جزدان
بشَخْصَك صِفات الخير مكتمله
وهيك شغْلَك كان بالدكان
للناس كلّا تْرَجِّح الميزان
تا صار اسمك للكرَم عنوان
رحمات الله عليك يا وردان
------------
الآسيف : صديقك روميو عويس
0 comments:
إرسال تعليق